İnanc

Zərdüştlərin müəmmalı "Qəhənbər" bayramı

25 Avqust 2017 21:50

İranın Cənubi Azərbaycan ərazisinin Təkab şəhərindəki Taxtü Süleyman tikilisində hər il zərdüştlər "Qəhənbər" adlı qədim bayramı qeyd edirlər. Adıçəkilən bina arxeoloji cəhətdən əhəmiyyətli ərazidir.

Bu dini ayin adətən avqust ayının ortalarında qeyd olunur. Zərdüştlər inanırlar ki, Ahurə-Məzda dünyanı cəmi 6 günə var edib. Bayramın əsas qayəsi Ahurə-Məzdanı mədh edib, yada salmaqdır. Bayram adətən 5 gün davam edir. Dini ayınə toplaşan şəxslər növbə ilə su, alov, torpaq və havanı mədh edib, müxtəlif dualar səsləndirirlər. Qəhənbər bayramı ərəfəsində Taxtü Süleyman turistlərin üzünə 5 günlük bağlanır.

Taxtü Süleyman Sasani imperiyasının süqutu dövrünə aid edilir. Bu ərazi su ilə əhatə olunmuş yatmış vulkan kraterindən ibarətdir. Taxtü Süleyman özündə zərdüştlərin məbədini və Sasani imperiyasına aid tarixi tikilini ehtiva edir. Bu bina 2003-cü ildən etibarən UNESCO-nun beynəlxalq irsi kimi qorunur.

Leyla Sarabi