Bu xalqlarda ailəni QAYINANALAR İDARƏ EDİB - TARİXİ FAKTLAR

Hazırda dünya qadınları öz hüquqları uğrunda mübarizə aparırlar. Bəzən bizə elə gəlir ki, qadınlar tarix boyu kişilərdən bir pillə aşağı olublar. Əslində isə ən qədim zamanlardan bəri qadınların kişilərə belə bəs edəcək haqları vardı.

Publika.az xəbər verir ki, bugünədək ata xaqanlığı hökm sürən Yaponiya kimi sərt ölkədə belə qədim zamanlarda qadınların hüquqları daha üstün olub.

Belə ki, hətta ailələri kişilər yox qadınlar idarə edib. Ailə, evin idarəsi ilə bağlı bütün qərarları da qadınlar verib. Hətta ər öz işi ilə bağlı məshələtləri arvadından almağa məcbur idi. Qadını kişiyə kiminlə ünsiyyət qurub-qurmayacağı ilə bağlı da tövsiyələr verirdi. Samuray ailələrində isə bu incəsənət uşaqlıqdan oğlanlarla yanaşı, qızlara da öyrədilirdi. Hətta qızların xüsusi soyuq silahları da vardı.

Qədim Çində isə yeni qurulan ailəni oğul anası idarə edirdi. Gənc cütlklərin qayınanaya tabe olmaqdan başqa şansları qalmırdı. Tədricən ailənin oğul övladları dünyaya gələndə, az da olsa hüquları yaranırdı. Oğullar böyüyüb evləndikdən sonra isə bütün haqlar gənc anaya keçir. Qocalmış qayınana isə öz vəzifələrindən azad olurdu.

Qədim misirlilər və yəhudilər də qadına sonsuz hüquqlar vermişdilər. Qadın ərindən boşanmaq istəyərsə, bütün cehizi geri qaytarılır, üstəlik kişi ona böyük məbləğdə pul ödəyirdi. Buraya bir sıra səbəblər, o cümlədən də kişinin qadını yataqda təmin etməməsi kimi səbəblər aid idi. Kişilərin boşanmaq istəyi isə onlara ikiqat baha başa gəlirdi.

Leyla Sarabi