• USD 1,7000 0,00% EUR 2,0641 -0,19%
    • GBP 2,3964 +0,79% RUB 0,0230 0,00%

Maştağadakı tarixi hamam zibildən təmizləndi - FOTO

  • Tarix
  • 10 İyul 2020 16:48
  • 1 891 Baxış
Maştağadakı tarixi hamam zibildən təmizləndi - FOTO

Bakının Maştağa qəsəbəsində yerləşən XVII-XVIII əsrlərdə aid tarixi hamamın içərisində və ətrafında təmizlik işləri aparılıb.

Publika.az xəbər verir ki, yerli əhəmiyyətli tarix-memarlıq abidəsi kimi dövlət qeydiyyatına alınan hamamın olduğu əraziyə zibil tökülməməsi ilə bağlı sakinlərə dəfələrlə xəbərdarlıq olunub, onlarla maarifləndirici söhbətlər də aparılıb. Tarixi abidə əvvəllər də bir neçə dəfə zibildən təmizlənib, ətrafda yaşayan insanlara tarixi abidənin zibilləndirilməməsi barədə xəbərdarlıq olunub. Buna baxmayaraq, sakinlər yenə də zibil tökməkdə davam edirlər.

Vətəndaşlar yaxınlıqda zibil qutularının olmamasından şikayət edirlər. Ərazidə zibil qutularının qoyulması üçün İcra Hakimiyyətinə də, bələdiyyə də müraciət olunub.

Məsələ ilə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin əməkdaşları da tarixi abidənin yerləşdiyi ərazidə olublar.

Bələdiyyə və icra nümayəndəsi də əraziyə dəvət olunub. Artıq hamamın təmizlənməsi işlərinə başlanılıb.

Günün sonunadək yaxınlığda zibil yeşikləri də qoyulacaq.

Həmçinin abidənin bərpa olunması məsələsi də gündəmdədir.

Halal Nemət

Xəbər lenti

DAHA ÇOX XƏBƏR
[X]
1xBet