MDB

16 yaşdan 60 yaşa qədər rusiyalı kişiləri... - Kiyevdən bunu GÖZLƏMİRDİLƏR

30 Noyabr 2018 13:57

Moskva cavab ölçüsü olaraq 16 yaşdan 60 yaşa qədər kişi cinsindən olan Ukrayna vətəndaşlarının Rusiyaya girişinə məhdudiyyət tətbiq etməyəcək.

Publika.az “RİA-Novosti” agentliyinə istinadən xəbər verir ki, bu haqda Rusiya Federasiya Şurasının müdafiə və təhlükəsizlik üzrə komitəsinin sədr müavini Frans Klinseviç bildirib.

“Kiyev Rusiyayla bütün əlaqələrin qırılmasına səmimi gedir və bizi cavab addımlarına təhrik edir. Bu, Rusiyada işləyən milyonlarla ukraynalıya güclü zərbə olardı. Kiyev ölkəmizdən belə cavab görməyəcək”, - Klinseviçin mətbuat xidməti onun sözlərini sitat gətirib.

Daha əvvəl Ukrayna prezidenti Pyotr Poroşenko Tvitter səhifəsində yazıb ki, 16 yaşdan 60 yaşa qədər kişi cinsindən olan Rusiya vətəndaşlarının Ukraynaya girişinə məhdudiyyət tətbiq ediləcək.

Xatırladaq ki, daha əvvəl Ukraynanın Xarici İşlər Nazirliyinin başçısı Pavel Klimkin Kiyevin birtərəfli qaydada Rusiya ilə təxminən 40 müqaviləni pozmaq niyyətində olduğunu deyib.

Ömər