ABŞ-da tornado qurbanlarının sayı 79-a çatdı - (YENİLƏNDİ)

ABŞ-ın bir neçə ştatını vuran tornadolar azı 79 nəfərin ölümünə səbəb olub.

Publika.az xəbər verir ki, bu barədə "CNN" televiziya kanalı xəbər verib.

Məlumata əsasən, ən çox ölənlərin sayı, 70 nəfər, təbii fəlakətdin əsas zərbəsinə məruz qalan Kentukki ştatında qeydə alınıb. Qubernator Endi Beşir xəbərdar edib ki, qurbanların sayı 100 nəfərə qədər arta bilər.

Arkanzas və Tennessi ştatlarında hakimiyyət orqanları bu ştatların hər birində üç nəfərin, İllinoys ştatında təbii fəlakət iki yerli sakinin, Missuridə isə 84 yaşlı qadının həyatını itirdiyini bildirib.

xxx

12.12.2021 - 22:00

ABŞ-ın Kentukki ştatının qubernatoru Endi Beşir tornadoda ən azı 70 nəfərin öldüyünü deyib.

Publika.az xəbər verir ki, bu barədə qubernator mətbuat konfransı zamanı deyib.

Onun sözlərinə görə, ölənlərin sayı 100 nəfərə qədər arta bilər.

E.Beşir qeyd edib ki, bölgədə fövqəladə vəziyyət rejimi tətbiq edilib, təbii fəlakətin nəticələrini aradan qaldırılması üçün Milli Qvardiyanın bölmələri cəlb olunub.