Podolyak: - Bu, Rusiyanın NATO üzərində qələbəsi olacaq

“Qərb ölkələri nəzərə almalıdır ki, Rusiyanın Ukraynada qələbəsi həm də NATO üzərində qələbəsi deməkdir”.

Publika.az xəbər verir ki, bunu Ukraynanın Prezident Aparatı rəhbərinin müşaviri Mixail Podolyak deyib.

O bildirib ki, Ukraynanı lazımi silahlarla təmin etmək sülhü uzaqlaşdırmır, əksinə, daha da yaxınlaşdırır.

“Soyqırıma, həbslərə, filtrasiya düşərgələrinə, qırğınlara və dağıntılara silahdan başqa cavab yoxdur. Ərazini azad etmək üçün silah lazımdır. Dünya müharibədən yorulub. Avropa, Qərb, taleyindən asılı olmayaraq yaşamaq üçün mübarizə aparan ukraynalılar onu da nəzərə almalıdırlar ki, Moskvanın Ukraynada qələbəsi NATO üzərində qələbəsi demək olacaq. Və biz təəssüf hissi ilə bildirmək məcburiyyətindəyik ki, bütün Avropa ölkələri vəd edilən yardımı vermir”, - Podolyak qeyd edib.

O əlavə edib ki, Moskva Ukraynaya dəstəyi azaltması, o cümlədən qaz şantajına əl atmaq üçün Avropaya qarşı müxtəlif təsir rıçaqlarından istifadə edir:

“Biz bilirik ki, qış çox sərt keçəcək, avropalılar üçün də çox çətin olacaq. Amma bu qış həm də Rusiyanın qaz monopoliyasının sonu olacaq”.

Akqabay