Bədənindən çıxan mərmini Fransa səfirinə göndərdi - Hədələdi

Donbasda yaralanan “Roskosmos”un keçmiş rəhbəri Dmitri Roqozin bədənindən çıxarılan mərmi parçasını Fransanın Rusiyadakı səfiri Pyer Leviyə göndərib.

Publika.az xəbər verir ki, Roqozin səfirliyə mərmi ilə birlikdə məktub da ünvanlayıb.

Fransanı qaniçən ölkəyə çevrilməkdə və ABŞ diktəsi ilə hərəkət etməkdə ittiham edən Roqozin məktubunda yazır: “Bu zərfdə məktubla yanaşı, Fransanın 155 mm-lik özüyeriyən “Sezar” artilleriyasından atılan mərmi parçası da var. O, sağ çiynimi deşdi və onurğama girdi. Məni ölümdən, yaxud iflic olmaqdan cəmi bir millimetr məsafə xilas etdi.

Fransız haubitsasından atılan mərmi mənim iki gənc dostumu öldürdü, arvadları dul, uşaqları yetim qaldı. Bu qətllərə görə məsuliyyət daşıyırsınız. Cərrahlar tərəfindən onurğamın kəsilmiş hissəsini Fransa prezidenti Emmanuel Makrona çatdırın, həmçinin ona deyin ki, Donbasda baş verənlərə görə məsuliyyətdən yayına bilməyəcəklər”.

Roqozinin bu müraciətinin Kreml tərəfindən təşkil edildiyi istisna deyil və Rusiya bununla Makrona “zamanı gələndə cavab verəcəksən” mesajını ötürür.

Asif