Ukrayna müharibəsinə son qoymaq üçün yeni plan: Görün nə təklif olunur

Rusiya Federasiyası ilə Avropa arasında strateji saziş Ukraynada münaqişənin sona çatmasına gətirib çıxaracaq.

Publika.az xəbər verir ki, bunu ABŞ ordusunun ehtiyatda olan polkovniki və Pentaqonun keçmiş müşaviri Duqlas Makqreqor norveçli professor Qlenn Dizenə müsahibəsində deyib.

“Döyüşlərə son qoymaq üçün Moskvanın Avropanın qalan hissəsi ilə münasibətlərini gücləndirəcək strateji saziş bağlamaq lazımdır”, - o, öz nöqteyi-nəzərini bölüşüb.

Hərbi ekspertin fikrincə, məhz bu, ABŞ prezidenti Donald Trampın Avropa Birliyinə təşviq etməli olduğu təşəbbüsdür.

Qeyd edək ki, bir müddət əvvəl Qərb mediası Avropa dövlətlərinin və Ukraynanın hazırkı təmas xətti boyunca münaqişəyə son qoymaq üçün on iki bənddən ibarət təklif üzərində işlədikləri barədə məlumat yayıb. Planın həyata keçirilməsinə Ağ Evin sədrlik etdiyi şura tərəfindən nəzarət edildiyi bildirilib. Plan Rusiya Federasiyasına qarşı məhdudlaşdırıcı tədbirlərin mərhələli şəkildə ləğvini nəzərdə tutur.

Tural