MDB

Rusiyada toy kortejində atəş açanlar azərbaycanlılar olub: Saxlanıldılar

30 Oktyabr 2025 10:24

Yoşkar-Olada polis əməkdaşları toy kortejində atəş açmaqda şübhəli bilinən şəxsləri saxlayıblar.

Publika.az xəbər verir ki, bu barədə Mari El Daxili İşlər Nazirliyinin mətbuat xidməti məlumat yayıb.

Hadisə şəhər küçələrində baş verib. Toy kortejində olanlar bir neçə dəfə atəş açıblar.

“Bullet” Telegram kanalının məlumatına görə, toy kortejindən atəş açan şəxslər azərbaycanlılar olub.

“Mari El Respublikası Daxili İşlər Nazirliyinin əməliyyatçıları araşdırma aparıb. Şübhəlilər Mari El paytaxtından çıxarkən saxlanılıb”, - məlumatda deyilir.

Hər iki sürücüyə qarşı Rusiya Federasiyası İnzibati Xətalar Məcəlləsinin 12.37 və 12.2-ci maddələri ilə inzibati protokollar tərtib edilib. İstintaq materialları əlavə hüquqi baxılması üçün istintaq orqanlarına göndərilib. Hadisənin bütün hallarının aydınlaşdırılması üçün araşdırma aparılır.

Tural