MDB

Putin ELAN ETDİ - Nüvə enerjisi ilə işləyən...

4 Noyabr 2025 23:36

"Rusiya konstruktorları səsdən sürətli, gələcəkdə isə hiper səs sürətinə çatacaq nüvə mühərrikli qanadlı raketlərin növbəti nəsli üzərində işləməyə başlayıblar".

Publika.az xəbər verir ki, bu barədə Rusiya Prezidenti Vladimir Putin məlumat verib.

“Yeni nəsil nüvə mühərrikli qanadlı raketlərin hazırlanmasına başlanılıb. Onların sürəti səsi üç dəfədən çox üstələyəcək və perspektivdə hiper səs sürətinə çatacaq”, – deyə Putin “Burevestnik” raketinin və “Poseydon” sualtı pilotsuz aparatının yaradıcılarının mükafatlandırılması mərasimində söyləyib.

Bundan əvvəl o, “Poseydon” və “Burevestnik”in hazırlanmasının ruslar üçün tarixi əhəmiyyət daşıdığını və onilliklər ərzində strateji pariteti təmin edəcəyini vurğulamışdı.

Putinin sözlərinə görə, 21 oktyabrda “Burevestnik”in sınaq zonasına NATO-nun kəşfiyyat gəmisi daimi nəzarət edirdi. Rusiya hərbçiləri onun fəaliyyətinə mane olmamışdı.

“Qoy baxsınlar”, – deyə Putin qeyd edib.

Hüseyn İbadlı