Moskvada görüş: Şoyqu Azərbaycan və Ermənistandan olan həmkarları ilə nəyi müzakirə edəcək?

MDB-yə təhdidlər, onlara cavab tədbirləri və Qərbin ideoloji ekspansiyasına qarşı mübarizə MDB-yə üzv dövlətlərin təhlükəsizlik şuraları katiblərinin 13-cü iclasının diqqət mərkəzində olacaq.

Publika.az TAAS-a istinadən xəbər verir ki, tədbir noyabrın 5-də Moskvada Rusiya Federasiyası Təhlükəsizlik Şurasının katibi Sergey Şoyqunun sədrliyi ilə baş tutacaq.

Onun Azərbaycan, Ermənistan və Belarusdan olan həmkarları ilə ayrıca ikitərəfli görüşləri də gözlənilir.

Təhlükəsizlik Şurasının mətbuat xidmətindən verilən məlumata görə, iclasda “MDB-də təhlükəsizlik çağırışları və təhdidləri və mümkün birgə cavab tədbirləri”nin müzakirəsi planlaşdırılır. Rusiya Təhlükəsizlik Şurası katibinin müavini Aleksey Şevtsovun daha əvvəl TASS-a verdiyi məlumata görə, görüşdə humanitar əməkdaşlıq və Qərbin ideoloji ekspansiyasına qarşı mübarizə də müzakirə olunacaq.

Şoyqu qeyd edib ki, Təhlükəsizlik Şurası katiblərinin görüşü “təhlükəsizlik gündəliyindəki ən mürəkkəb məsələləri açıq və konstruktiv müzakirə etməklə yanaşı, həm də ümumi ənənəvi dəyərlərin möhkəm təməli əsasında ölkələri və xalqları xarici və daxili təhdidlərdən qorumaq üçün həll yollarını birgə işləyib hazırlamağa imkan verən etibarlı ünsiyyət formatıdır”.

MDB Təhlükəsizlik Şurası katiblərinin görüşü oktyabrın 31-dən oktyabrın 5-dək Moskvada keçirilən “Rusiya və MDB xalqları” beynəlxalq festivalının yekun tədbiri olacaq.

Tural