MDB

Hər şey bir anda yox ola bilər: Lukaşenkodan Ukraynaya qorxulu xəbərdarlıq

28 Noyabr 2025 12:54

Ukrayna prezidenti Vladimir Zelenski hərbi əməliyyatların başlanğıcında mənim məsləhətimə əməl etsəydi, indiki vəziyyət yaranmazdı.

Publika.az "Belta" nəşrinə istinadən xəbər verir ki, bu bəyanatı Belarus prezidenti Aleksandr Lukaşenko verib.

"Minsk razılaşmaları yerinə yetirilsəydi, müharibə olmayacaqdı. Ukrayna isə 1991-ci il sərhədləri daxilində qalacaqdı. Əgər Ukraynanın indiki sərhədləri daxilində qalmasını istəyirsənsə (cəbhədəki reallıqları nəzərə alaraq), danışıqlar aparmaq lazımdır", - Lukaşenko deyib.

Belarus prezidenti Ukraynaya səslənərək deyib ki, mövcud vəziyyət və əlinizdə olanı necə qoruyub saxlamağınız barədə düşünün.

"Sizdə hər şey var: dənizə Odessa və Nikolayev vasitəsilə çıxış. Amma bu yox ola bilər. Bir anda, bir göz qırpımında. Buna görə də hər şeyi ölçüb-biçmək və əsaslandırılmış qərar qəbul etmək lazımdır", - deyə Lukaşenko Ukrayna hakimiyyətini və xalqını düşünməyə çağırıb.

Adəm