Venesuela xalqının mətanətinə heyranıq - Çernışenko

Rusiya xarici təhdidlər qarşısında öz milli suverenliyini müdafiə etməkdə Venesuela hökumətinə dəstəyini ifadə edir.

Publika.az TASS-a istinadən xəbər verir ki, bunu Rusiya Baş nazirinin müavini Dmitri Çernışenko deyib.

“Rusiya hökuməti adından biz Venesuela prezidenti Nikolas Maduronun hökumətinə dəstəyimizi və xarici təhdidlər qarşısında öz milli suverenliyini müdafiə etməkdə qardaş Venesuela xalqı ilə həmrəy olduğumuzu bildiririk. Biz Venesuela xalqının vətənlərinin həqiqi suverenliyini müdafiə etməsinə, mətanət və qətiyyətlərinə heyranıq”, - deyə Çernışenko vurğulayıb.

O əlavə edib ki, Rusiya hərbi-texniki sahədə Venesuela ilə strateji tərəfdaşlığı genişləndirir.

Çernışenko deyib ki, Venesuela Latın Amerikasında və qlobal miqyasda ardıcıl olaraq Rusiyanın etibarlı tərəfdaşı və müttəfiqi olaraq qalır. Onun sözlərinə görə, Moskva Karakasla bütün səviyyələrdə, o cümlədən ən yüksək səviyyədə etimada əsaslanan siyasi dialoqu yüksək qiymətləndirir. O, həmçinin əmin edib ki, Rusiya respublika ilə ikitərəfli münasibətləri daha da gücləndirmək niyyətindədir.

Adəm