Kadırova görə "uçan hospital"ı havaya qaldırdılar: Qroznıda nə baş verir? - FOTO

Çeçenistan lideri Ramzan Kadırovun oğlu Adam Kadırov avtomobil qəzası keçirdikdən sonra Moskvadakı Botkin Xəstəxanasına təxliyə edilib.

Publika.az xəbər verir ki, bu barədə Rusiya mediası məlumat yayıb. "Gazeta" Teleqram kanallarına istinad etsə də, hələlik bu məlumatın rəsmi təsdiqi yoxdur.

Maraqlıdır ki, "Flightradar24" portalındakı məlumatlar Rusiya Fövqəladə Hallar Nazirliyinin məşhur "uçan hospital" adlandırılan təyyarəsi Çeçenistanın paytaxtı Qroznıya çatmasını göstərir. Yerli media "uçan hospital"ın məhz Kadırovun oğlu üçün gəldiyini iddia edir.

Xatırladaq ki, dünən bir neçə Çeçenistan Teleqram kanalı respublika lideri Ramzan Kadırovun oğlu Adamın Qroznıda avtomobil qəzasına düşdüyünü yazmışdı. Sosial mediada onun qəzada xəsarət aldığı və xəstəxanaya yerləşdirildiyi iddia edilir. Lakin paylaşımlarda Kadırovun oğlunun düşdüyü qəza ilə bağlı heç bir foto və ya video sübut yerləşdirilməyib və hadisə ilə bağlı heç bir rəsmi təsdiq də yoxdur.

Qeyd edək ki, ilk "uçan hospital" Rusiyada 2013-cü ildə görülüb. An-148 təyyarəsinin göyərtəsindəki modul, uçuş zamanı xəstələrin monitorinqini və terapevtik prosedurları həyata keçirməyə imkan verən modernləşdirilmiş tibbi avadanlıqla təchiz olunub. Təyyarədə digər bir sıra avadanlıqlar da var.

Tural