Lavrov MDB ölkələrinin səfirləri ilə görüşdü
Bizi izləyin
Aptekonline

MDB

Lavrov MDB ölkələrinin səfirləri ilə görüşdü

Xarici işlər naziri Sergey Lavrov yanvarın 27-də Moskvada Rusiyada akkreditə olunmuş MDB dövlətlərinin səfirləri ilə ənənəvi görüş keçirib.

Publika.az Rusiya Xarici İşlər Nazirliyinə istinadla xəbər verir ki, görüşdə Azərbaycanın Rusiyadakı səfiri Rəhman Mustafayev də iştirak edib. Tədbirdə, həmçinin MDB-nin Baş katibi Sergey Lebedev və Avrasiya inteqrasiya strukturlarının icra orqanlarının rəhbərləri də yer alıblar.

Görüş zamanı iştirakçılar aktual beynəlxalq məsələlər ətrafında fikir mübadiləsi aparıb, ötən il ərzində Avrasiya inteqrasiya birlikləri çərçivəsində çoxtərəfli əməkdaşlığın nəticələrini yekunlaşdırıb, eləcə də yaxın perspektiv üçün vəzifə və fəaliyyət istiqamətlərini müəyyən ediblər.

Prioritetlər sırasında xarici siyasət üzrə koordinasiyanın möhkəmləndirilməsi, iqtisadi-ticari və mədəni-humanitar sahələrdə qarşılıqlı fəaliyyətin genişləndirilməsi, habelə regional təhlükəsizliyin təmin olunması sahəsində əməkdaşlıq qeyd olunub.

Oxumağa davam et
Reklam
Reklam

Gündəm

Aptekonline