Yakutiyada DƏHŞƏT - 3-ü uşaq olmaqla 5 nəfər yanaraq öldü

Yakutiya Respublikasının Nüyrbi rayonunun Nüyrbaçan kəndində fərdi evdəbyanğın baş verib.

Publika.az xəbər verir ki, bu barədə Yakutiya Fövqəladə Hallar və Xalqın Təhlükəsizliyi Nazirliyi məlumat yayıb.

Bildirilib ki, yerli vaxtla saat 01:49-da (Bakı vaxtı ilə 20:49) Lomono­sova küçəsində iki mərtəbəli fərdi yaşayış evində yanğın barədə məlumat daxil olub. Hadisə yerinə ilk yanğınsöndürənlər çatanda ev artıq tamamilə alovun içində olub. Güclü tüstü və yüksək temperatur xilasedicilərin evə daxil olmasını xeyli çətinləşdirib.

Əvvəlki məlumatlara görə, yanğın nəticəsində beş nəfərin həyatı itib, onlardan üçü uşaqdır. Daha iki nəfər, o cümlədən bir uşaq, ağır vəziyyətdə reanimasiya şöbəsinə yerləşdirilib.

Hazırda yanğın tamamilə söndürülüb. Alovun söndürülməsində 18 nəfər şəxsi heyət və iki ədəd xüsusi texnika iştirak edib.

İndiyə qədər yanğın yerində suvarma və dağıntıların təmizlənməsi işləri aparılır. Hadisənin baş vermə səbəbləri üzrə istintaq başlanıb.

Hüseyn İbadlı