Rusiyaya köçmək istəyən azərbaycanlılara xəbərdarlıq: Putin yeni qaydanı təsdiqlədi

Rusiya Prezidenti Vladimir Putin bildirib ki, Rusiya üçün xüsusi maraq kəsb edən xarici vətəndaşlar aprel ayından etibarən Rusiya Federasiyasına köçməklə bağlı Strateji Təşəbbüslər Agentliyi ilə əlaqə saxlaya biləcəklər.

Publika.az xəbər verir ki, “RİA Novosti” agentliyinin verdiyi məlumata görə, o, Rusiyanın ölkəyə köçən xarici vətəndaşlara kömək göstərəcəyini vurğulayıb.

“Biz artıq bu işə ənənəvi rus dəyərlərini, mədəniyyətimizi və adət-ənənələrimizi bölüşən insanlarla başlamışıq. Bu ilin aprel ayından etibarən ölkəmiz üçün xüsusi maraq kəsb edən mütəxəssislər xüsusi səlahiyyətli təşkilata dəstək üçün müraciət edə biləcəklər. Strateji Təşəbbüslər Agentliyi də onun təsisçisi və operatoru olacaq”, - deyə Putin bildirib.

Putin qeyd etdi ki, bunlar tələb olunan peşə və biliklərə malik, ölkə iqtisadiyyatının inkişafına əhəmiyyətli töhfə verə bilən, həmçinin idman, yaradıcı sənaye, mədəni və humanitar sahələrdə, elmi və texnoloji inkişafda nailiyyətləri olan insanlardır.

Tural