İrana hücum regional müharibəyə çevriləcək - Qaçqın axını gözlənilir

ABŞ və İsrailin İrana qarşı genişmiqyaslı hərbi əməliyyatı demək olar ki, qaçılmazdır və bu prosesdə danışıqların heç bir nəticə verməyəcəyi gözlənilir.

Publika.az CNN-ə istinadən xəbər verir ki, bunu Rusiya Silahlı Qüvvələrinin polkovniki Rüstəm Klupov bildirib.

O xatırladıb ki, son 24 saat ərzində bölgəyə 50-dən çox müasir F-35, F-22 və F-16 qırıcı təyyarəsi göndərilib və iki aviadaşıyıcı zərbə qrupu cəmləşdirilib.

“Bu, bölgədə ciddi hərbi güc deməkdir və əməliyyat üçün artıq böyük vəsaitlər sərf olunub. Burada əsas məsələ yalnız maliyyə deyil, həm də ABŞ-ın beynəlxalq nüfuzunun qorunmasıdır”, - ekspert əlavə edib.

Məlumata görə, hərbi gücün artırılması İran üzərində təzyiq məqsədi daşıyır. Klupov qeyd edib ki, İrandakı nüvə və raket proqramları əməliyyatı daha da çətinləşdirə bilər. Onun fikrincə, bu əməliyyat regional müharibəyə çevrilə və Avropaya qaçqın axınını artıra bilər.

Ekspert ABŞ və İsrailin belə bir əməliyyatı uzun müddət davam etdirəcəyini, münaqişənin daha geniş miqyasda sosial və etnik qarşıdurmalara səbəb olacağını vurğulayıb.

Adəm