Aydın Əliyev: “Hamı üçün eyni şərait yaradılıb” – MÜSAHİBƏ – VİDEO

Azərbaycan Dövlət Gömrük Komitəsinin sədri Aydın Əliyev ANS TV-nin "Hesabat" verilişinin qonağı olub, sualları cavablandırıb.

Publika.az müsahibədən qısa çıxarışı və video versiyasını təqdim edir:

- İndiyəcən kütləvi informasiya vasitələrində, müxtəlif səviyyələrdə Azərbaycanın gömrük sistemini tənqid edən opponentləriniz daha çox inhisarçılıqda günahlandırırdılar. Bu il yanvar ayının birindən başlayaraq bu opponentlərin arqumentlərinin birmənalı şəkildə aradan qalxacağını və inhisarçılığın tamamilə ləğv olunacağını demək olarmı?

- Açıq bazardı, kim nə gətirir gətirsin, hamı üçün eyni rəqabət yaradılıb. Sahibkar davamlı olaraq daxili bazara gətirdiyi məhsulu və ya istehsal etdiyi məhsulu sata bilərsə və s. artıq bu, o deməkdir ki, azad ticarətdir. Bu şərait hamı üçün yaradılıb. Dəfələrlə sahibkarlara müraciət etmişəm ki, gətirin və gömrük orqanlarına müraciət edib qanuni sənədlər əsasında bəyan edin. Dövlət büdcəsinə çatası vergi rüsumlarını ödəyin və daxili bazara mallarınızı çıxarın.

- On min dollarlıq icazə ləğv olundu. Bunun problemləri nə idi və niyə ləğv edildi?

- Bu sərəncam yalnız şəxsi tələbat malları üçün nəzərdə tutulurdu. Təəssüflər olsun ki, əhalinin böyük bir hissəsi bunu belə qəbul eləmədi və hətta qüvvəyə minməsindən əvvəl də sui-istifadə hallarına cəhdlər edilirdi.

İkinci bir məsələ - manatın devalvasiyası prosesindən sonra artıq bu, valyutanın xaricə axınına səbəb ola bilərdi.

Müsahibəyə daha ətraflı aşağıdakı videomaterialda baxa bilərsiniz: