Rus təyyarəsini vuran İsraildən Putinə SƏRT MESAJ: “Rəhm etməyəcəyik”

İsrail dünən Suriyanın Rusiya istehsalı olan “Sukhoi” tipli döyüş təyyarəsini vurdu. Təyyarə Golan təpələrinin cənubunda yerə düşüb. Suriya tərəfi xəbəri təsdiqlədi.

Publika.az xəbər verir ki, “Die Welt” nəşrinin siyasi şərhçisi Rixard Hersinqer hadisəni şərh edib. O deyib ki, “Vurulan təyyarə Putinə xəbərdarlıqdır”.

Siyasi şərhçi qeyd edir ki, İsrail Suriyada İran mövqelərini bombalayır və Rusiya buna hələlik göz yumur.

“Ortada razılıq var və İsrail Rusiya mövqelərinə hücum etmir. Lakin bu razılaşmada çoxlu çatlar meydana çıxır. İsrail istəyir ki, Moskva Suriyada İrana qarşı çıxsın, amma rusların vədləri dumanlıdır. Putinə və onun strateqlərinə aydındır ki, İrana bağlı döyüşçülər olmasa Əsəd rejimi bir gün tab gətirə bilməz. Və bu gün Suriya ordusunda Əsədə bağlı və İrana bağlı qüvvələri bir-birindən ayırmaq praktiki olaraq mümkün deyil. İran döyüşçüləri son vaxtlar İsrailin hücumlarından yayınmaq üçün Suriya hərbi formasını geyinirlər. Rusiya Əsəd rejimi ilə İsrail qarşıdurmasının qarşını almaq üçün Yerusəlimə müəyyən təkliflər verir. Lakin göründüyü kimi, Netanyahu Putinin səmimiyyətinə inanmır. Kremlə siqnal verilir ki, İsrail onun qəyyumluq etdiyi Əsədə rəhm etməyəcək. Suriyaya məxsus rus istehsalı təyyarənin vurulması da bu mesajın tərkib hissəsidir”, - deyə Rixard Hersinqer vurğulayıb.

Asif