Yaxın Şərq

Livandan İsrailə 160-a yaxın raket atıldı

21 Oktyabr 2024 00:30

Livandan İsrailə 160 raket və mərmi atılıb.

Publika.az xəbər verir ki, İsrail ordusunun mətbuat xidmətinə əsasən, günün əvvəlindən "Hizbullah" yaraqlıları tərəfindən Livandan İsrail ərazisinə 160-a yaxın mərmi və raket atılması qeydə alınıb.

Bu məlumat yerli vaxtla saat 15:00-a (Bakı vaxtı ilə 16:00) olan vəziyyətə aiddir. Verilən məlumata görə, raketlərin bir hissəsi İsrail Hərbi Hava Qüvvələri tərəfindən ələ keçirilib, lakin atışlar nəticəsində bəzi bölgələrdə yanğınlar başlayıb.

"İsrail yanğınsöndürmə və xilasetmə xidmətləri hücumun nəticəsində meydana gələn yanğınların söndürülməsi üçün iş aparır", - mətbuat xidməti məlumat yayıb.

Hərbçilər İsrailin şimalındakı Qərb və Yuxarı Qalile bölgələrində hava hücumu sirenlərinin səsləndiyini və bir neçə mərminin bu ərazilərə düşdüyünü qeyd ediblər.