Yaxın Şərq

Silahlı müxalifət qrupları Həmanı da ƏLƏ KEÇİRDİLƏR

30 Noyabr 2024 22:48

Suriyanın silahlı müxalifət qrupları Hələb və İdlib vilayətlərindən sonra ordunun nəzarətində olan Həma vilayətini də ələ keçiriblər.

Publika.az xəbər verir ki, bu barədə "TRT Haber" məlumat yayıb.

Bildirilib ki, axşam saatlarında İdlibin Xan Şeyxun bölgəsini ələ keçirən qruplar irəliləyərək Həmanın şimalındakı Taybetul İmam, Keferzeyte, Keferenbude, Hilfeye, Kaletmadik, Latamine, Soran, Kirnez, Mardes, Hammaiyet və Termele qəsəbələrini də ələ keçiriblər.

Sosial şəbəkələrdə Rusiya və Suriya ordusunun əsgərləri Həma Hava Bazasını boşaltdığı zaman şəhərin mərkəzində müxalif qrupların havaya atəş açaraq qələbələrini qeyd etdiklərini əks etdirən görüntülər yayılıb.

Silahlı qruplar M5 magistral yolu üzərində Həmanın ən əhəmiyyətli bölgələrindən olan Morik rayonuna da daxil olublar.

Hüseyn İbadlı