Dəməşq ƏLƏ KEÇİRİLDİ - Baş nazir hakimiyyəti təhvil verməyə hazırdır / YENİLƏNDİ

Suriya ordusunun bölmələri müxalif qüvvələrin irəliləməsi fonunda Dəməşqin mərkəzini tərk edir.

Bu barədə Publika.az Əl-Cəzirə telekanalına istinadən xəbər verir.

Müxalifət qüvvələri Dəməşqin mərkəzi Əməvi meydanına çatıb və Suriya dövlət televiziyasının qərargahını ələ keçiriblər.

Suriyanın Baş naziri Məhəmməd Qazi əl-Cəlali xalqın seçdiyi istənilən rəhbərliklə əməkdaşlığa hazır olduğunu bəyan edib. O, hakimiyyəti sülh yolu ilə təhvil verməyə hazır olduğunu açıqlayıb.

Məhəmməd Qazi əl-Cəlali əlavə edib ki, dövlət qurumlarının fəaliyyətini təmin etmək üçün Dəməşqi tərk etməyəcək: “Vətənimizin bir parçası olan heç kimə zərər verməyəcəklərini təsdiqləyən rəqiblərə əlimizi uzadırıq. Biz onlarla elə işləməyə hazırıq ki, onlara hər cür köməklik göstərək və dövlət obyektlərinin təhlükəsizliyini təmin edərkən dövlət işlərini mərhələli şəkildə təhvil verək” .

“Reuters” isə xəbər verir ki, Suriya prezidenti Bəşər Əsəd ölkədəki son hadisələr fonunda paytaxt Dəməşqi tərk edib. Onun təyyarəsi naməlum istiqamətə uçub.

xxx

03:13

Suriyanın Hüms şəhərinin mərkəzi hökumət əleyhinə qrupların nəzarəti altındadır.

Publika.az xəbər verir ki, bu barədə Türkiyənin "Anadolu" xəbər agentliyi məluat yayıb.

“Bəşər Əsəd rejiminə müxalif qüvvələr Dəməşqin qapısı olan Hüms vilayətinin mərkəzini zəbt ediblər. Hümsda şiddətli toqquşmalardan sonra qruplar dərinliyə doğru irəliləyiblər, şəhərin mərkəzinə nəzarəti ələ keçiriblər”, – nəşr yazıb.

Qeyd edilib ki, Hümsda tərəflər arasında baş verən qarşıdurma son zamanların ən şiddətli toqquşması olub.

Eyni zamanda, SANA agentliyi Suriya Silahlı Qüvvələrinə istinadla silahlə müxaliflərin Hümsa soxulması ilə bağlı xəbərlərin həqiqətə uyğun olmadığını iddia edib. Suriyanən adı açıqlanmaya nazirliyinin məlumatına görə, şəhərdə vəziyyət “təhlükəsiz və sabitdir”.

Hüseyn İbadlı