HTŞ planı öncə Türkiyəyə TƏQDİM EDİB - Əsədin də son ümidi Ankaraya imiş, amma...

Suriyada Baas rejimini devirən əməliyyatın pərdəarxası üzə çıxıb.

Publika.az “Washington Post” qəzetinə istinadla xəbər verir ki, 4 ildir hücuma hazırlaşan “Heyəti Təhriri əl-Şam” (HTŞ) planı öncə Ankaraya təqdim edib.

Qəzetə danışan HTŞ üzvü Musa Elesad, sahədə güc balansını dəyişdirəcək hücum planının 4 ildir hazırlandığını bildirib. Elasad deyib ki, HTŞ hazırladığı planı ilin əvvəlində Türkiyəyə təqdim edib. Ankara da plana müsbət baxıb və prinsipial olaraq bəyənib.

O qeyd edib ki, Türkiyə əvvəlcə münaqişənin qarşısını almaq istəyib, daha sonra bir türk rəsmisi son ana qədər İdlibdəki gərginliyi azaltmaq üçün bölgəni qorumağa çalışıb.

Noyabrda başlayan Astana danışıqları dönüş nöqtəsi olub. Astana görüşündə Ankara Suriya rejiminə və Rusiyaya xəbərdarlıq edib.

Elasad bildirib ki, Türkiyə Əsəd və Moskvaya bölgədəki qeyri-müəyyənliyin davam edə bilməyəcəyini çatdırıb.

Sözügedən Türkiyə rəsmisi xəbərdarlıq edib ki, rejim və tərəfdarları İdlibdəki mülki insanlara və mülki infrastruktura hücumlarını davam etdirsələr, müxaliflər sərt reaksiya verəcəklər.

Türkiyə HTŞ-nin təklif etdiyi plana yaşıl işığı Astanadakı sammitdən sonra yandırıb. Noyabrın 26-da İsrail və "Hizbullah" arasında atəşkəs elan edildikdən sonra "Hizbullah" qüvvələrinin Suriya cəbhəsinə qayıtmasından narahat olan HTŞ əməliyyata başlayıb.

Bəşər əsəd Moskvaya qaçmazdan əvvəl son ümidlə Türkiyə ilə əlaqə qurmağa çalışıb. Əsəd bildirib ki, müxalifət əməliyyatın dayandırılmasının mümkünlüyü barədə düşünüb, ona görə də Türkiyəyə zəng etməyə başlayıb, amma nəticəsiz qalıb.

Hüseyn İbadlı