Netanyahudan qələbə mesajı: İran təhlükəsini birdəfəlik aradan qaldırmaq üçün...

İsrailin Baş naziri Benyamin Netanyahu bildirib ki, onun bloku parlament seçkilərində "sionist ictimaiyyət və dövləti dəstəkləyənlər arasında" həlledici çoxluğa malikdir, lakin yekun nəticələri gözləməyə çağırıb.

Publika.az xəbər verir ki, Netanyahu Qüdsdəki “Likud” partiyasının seçki qərargahında çıxış edərkən bu barədə danışıb:

"Sağçı blok sionist ictimaiyyət (...) və dövləti dəstəkləyənlər arasında aydın və qətiyyətli çoxluğa malikdir. Bizə sağçı, milli, güclü bir hökumət lazımdır".

Onun fikrincə, "İsraili təhlükəyə atmaq və anti-sionist ərəb partiyalarına əsaslanan bir hökumət yaratmaq" ağlasığmazdır.

Lakin o əlavə edib ki, "biz hələ də real nəticələri gözləyirik".

Netanyahu bildirib ki, onun rəhbərliyi altında "İran əvvəlkindən daha zəif, İsrail isə əvvəlkindən daha güclüdür".

"İsrail, dostumuz Prezident Trampla birlikdə İran təhlükəsini birdəfəlik aradan qaldırmaq üçün tarixi, ömürdə bir dəfə rast gəlinən bir fürsətlə üzləşir. Biz düşmənlərimizi məğlub edə bilmişik və gələcəkdə də bunu edə biləcəyik", - İsrailin baş naziri bildirib.

Müəllif: Tural