Yaxın Şərq

İsrail bu ölkədə hərbi bazalar qurur

3 Fevral 2025 00:30

İsrail Suriya ərazisində - Qolan təpələrinin bufer zonasında hərbi bazalar tikir.

Publika.az xəbər verir ki, bu barədə "Washington Post" qəzeti yazır.

Nəşr peyk şəkillərini təhlil edərək, divarlarla əhatə olunmuş İsrail bazasında təxminən 8 km cənubda oxşar obyektin yerləşdiyi altıdan çox binanın olduğunu müəyyən edib. İki baza Qolan təpələrindəki ərazilərə aparan torpaq yollarla birləşir.

Bundan əlavə, bir neçə kilometr cənubda torpaq sahəsi təmizlənib ki, bu da üçüncü bazanın tikintisinin başlanğıcını ifadə edir.

Suriyanın müdafiə naziri Murhaf Abu Qasra İsrailin işğalını “əsassız” adlandırıb. O vurğulayıb ki, İsrailin Suriya ilə bağlı narahatlığının əsasını təşkil edən İran təhlükəsi artıq yoxdur. Nazir qeyd edib ki, İDF öz ölkəsinin sərhədlərini əvvəlki mövqelərindən qorumağa qadirdir.

Hüseyn İbadlı