Avropa Parlamenti FİFA-ya müraciət etdi: Rusiyanı Azərbaycana buraxmayın

Avropa Parlamentinin qırx dörd üzvü FİFA prezidenti Canni İnfantinoya birgə məktub yazaraq, Rusiya idmançılarının FİFA U-15 Dünya Kubokunda iştirak etməsinə icazə vermək qərarını ləğv etməyə çağırıb.

Publika.az xəbər verir ki, bu barədə "European Pravda" qəzeti məlumat yayıb. FİFA-nın qərarını nəzərə alaraq, Avropa Parlamentinin üzvləri Rusiyanın başlatdığı müharibə səbəbindən ukraynalı uşaqların məktəblərin və idman stadionlarının dağıdılması səbəbindən idmanla məşğul olmaq imkanı da daxil olmaqla bir çox şeydən məhrum olduqlarını xatırladıblar.

Məktubda bildirilir ki, Rusiyada idman Putinin anti-Ukrayna və anti-Qərb baxışlarını təşviq etmək, eləcə də Ukraynaya qarşı təcavüzkar müharibəsini haqlı çıxarmaq üçün istifadə etdiyi bir vasitədir.

Avropa Parlamentinin üzvləri əlavə ediblər ki, "Rusiya idmançılarının iştirakı və Rusiya bayrağının və dövlət rəmzlərinin FİFA tədbirlərində ictimaiyyət qarşısında nümayiş etdirilməsi, Rusiyanın hücumları nəticəsində uşaqlarını itirən yüzlərlə Ukrayna ailəsi üçün açıq təhqir olacaq".

Bu bəyanat FİFA-nın bu ilin oktyabr ayında Azərbaycanda keçiriləcək ilk 15 yaşadək futbolçular arasında dünya çempionatının Rusiya komandasının iştirakı üçün açıq elan edilməsi qərarına cavab olaraq verilib.

Müəllif: Tural