Netanyahudan ŞOK QƏRAR - Böyük əks-terror əməliyyatı başlayır

İsrailin Baş naziri Benyamin Netanyahu Təl-Əvivin ətraflarında avtobuslarda törədilən silsilə partlayışlardan sonra Fələstin Muxtariyyətində böyük əks-terror əməliyyatı keçirməyi əmr edib.

Publika.az xəbər verir ki, bu barədə "RİA Novosti" məlumat yayıb.

Netanyahu həmçinin təhlükəsizlik qüvvələrinə ölkə şəhərlərində gələcək mümkün hücumlara qarşı qabaqlayıcı tədbirləri gücləndirməyi əmr edib.

Bundan əvvəl İsrail polisinin sözçüsü mayor Mixail Zingerman bildirmişdi ki, Təl-Əviv ətrafında boş avtobusların partladılması çox təhlükəli terror aktının planlaşdırılmasından xəbər verir.

“Times of Israel” qəzeti bir neçə saat əvvəl avtobusun partlaması barədə məlumat yayıb. Bildirilib ki, hadisə nəticəsində xəsarət alan olmayıb. Polis əməkdaşları partlayış baş verən ərazidə ictimai nəqliyyatın hərəkətini dayandırıb.

Fələstinin HƏMAS hərəkatı İsraildə ictimai nəqliyyata edilən hücumlarla bağlı bəyanat yayaraq, hücumları "intiqam" adlandırıb. Hərəkat partlayışları İsrail ordusunun Tulkərm şəhərində keçirdiyi əməliyyatla əlaqələndirib.

Hüseyn İbadlı