İraq ABŞ-a yeni təhlükəsizlik sazişi təklif edir: Vaşinqton razılaşacaq?

İraq ABŞ-a kəşfiyyat sahəsində əməkdaşlığı da ehtiva edən yeni təhlükəsizlik sazişi təklif edib.

Publika.az xəbər verir ki, bu barədə İraqın müdafiə naziri Sabit əl-Abbasi Səudiyyə Ərəbistanının “Əl-Hədas” telekanalına bildirib.

İraq İslam Dövləti (İD) terror qruplaşması ilə mübarizə aparan beynəlxalq koalisiyanın tərkibində 2014-cü ildən orada olan Amerika qoşunlarının 2025-ci ilin payızında ölkədən çıxarılmasını gözləyir. Bağdad koalisiyaya daxil olan ölkələrlə yeni təhlükəsizlik sazişləri bağlamağa hazırlaşır.

“Biz ABŞ-a yeni təhlükəsizlik sazişi təklif etmişik. Saziş hələ araşdırma mərhələsindədir”, - deyə nazir bildirib.

Onun sözlərinə görə, ABŞ ilə yeni təhlükəsizlik sazişi “güclü təhlükəsizlik tərəfdaşlığı və kəşfiyyat əməkdaşlığını” nəzərdə tutur.

Eyni koalisiyanın tərkibində ABŞ hərbçilərinin Suriyada olmasından danışan əl-Abbasi deyib ki, Bağdad “Suriya ordusu qurulana və ya ölkənin şimal-şərqində ABŞ ordusunun dəstəklədiyi kürd qüvvələri ilə Suriya Demokratik Qüvvələri (SDQ) arasında razılıq əldə olunana qədər ABŞ qoşunlarının Suriyada qalmasına üstünlük verir.

Tural