ABŞ-Ukrayna danışıqlarının dəqiq tarixi AÇIQLANDI

ABŞ və Ukrayna nümayəndələri martın 12-də Səudiyyə Ərəbistanında sülh danışıqları aparacaqlar.

Publika.az xəbər verir ki, bu barədə Axios portalı məlumat yayıb.

Kiyevdən Ər-Riyada Ukrayna Prezidentinin Aparatının rəhbəri Andrey Yermak, ABŞ-dan Dövlət Departamentinin rəhbəri Marko Rubio, ABŞ prezidentinin Yaxın Şərq üzrə xüsusi nümayəndəsi Stiv Vitkoff və milli təhlükəsizlik müşaviri Mayk Vals gedəcək.

"Rubio, Vitkoff və Vals Yermak da daxil olmaqla ukraynalılarla görüşə gedəcək", - "Fox News"un müxbiri Henrix bildirib.

Daha əvvəl bildirilib ki, Yermak və Vals Rusiya ilə mümkün danışıqların tarixi və yerini müzakirə ediblər.

Xatırladaq ki, fevralın 18-də Səudiyyə Ərəbistanında Rusiya və Amerika nümayəndə heyətləri arasında danışıqlar baş tutub. Rusiya Federasiyasını xarici işlər naziri Sergey Lavrov və prezidentin köməkçisi Yuri Uşakov, ABŞ-ı isə dövlət katibi Marko Rubio, ABŞ-ın milli təhlükəsizlik üzrə müşaviri Mayk Vals və ABŞ prezidentinin Yaxın Şərq üzrə xüsusi nümayəndəsi Stiv Vitkoff təmsil ediblər.

Hüseyn İbadlı