Əfqanıstan Pakistanla ANLAŞDI - Silahlar dərhal susdurulur

Əfqanıstan və Pakistan Qətərin paytaxtı Dohada keçirilən danışıqlarda atəşkəs barədə razılığa gəliblər.

Publika.az xəbər verir ki, bu barədə ərəb ölkəsinin Xarici İşlər Nazirliyi sosial şəbəkədə məlumat yayıb.

Qeyd edilib ki, tərəflər hərbi əməliyyatları dərhal dayandıracaqlar. Onlar həmçinin ölkələri arasında sülhün bərqərar olması və sabitliyin möhkəmləndirilməsi üçün mexanizmlər yaratmaq barədə razılığa gəliblər.

Oktyabrın 9-dan başlayaraq altı gün ərzində Əfqanıstan və Pakistan bir-birini bombalayıb, nəzarət-buraxılış məntəqələrini ələ keçirib və 48 saatlıq atəşkəs və münaqişəni dialoq yolu ilə həll edənə qədər “qələbələr” elan edilib. Münaqişə terrorçulara sığınacaq verməkdə qarşılıqlı ittihamlar fonunda genişlənib.

Oktyabrın 13-də ABŞ prezidenti Donald Tramp iki ölkə arasındakı vəziyyəti şərh edib. O qeyd edib ki, o, “sülh qurmaqda yaxşı”dır və Pakistan və Əfqanıstan arasında toqquşmalar barədə eşidib, lakin hazırda başqa münaqişənin həlli ilə məşğuldur.

Hüseyn İbadlı