İsrailin nüvə obyekti yerləşən şəhəri vuruldu: 47 nəfər... - Video / Yeniləndi

Xəbər verdiyimiz kimi, İran İsrailin Dimona şəhərinə ballistik raketlə zərbə endirib.

Publika.az xəbər verir ki, "The Times of Israel" qəzeti zərbənin endirilmə anını əks etdirən video yayımlayıb.

Son məlumatlara görə, hücum nəticəsində xəsarət alan 47 nəfər xəstəxanalara aparılıb, onlardan 30-dan çoxu xəstəxanaya yerləşdirilib, 17-si ilkin yardımdan sonra evə buraxılıb.

Qeyd edilib ki, ağır yaralananlar arasında 12 yaşlı oğlan da var.

Qəzet İslam Respublikası və Livan şiə hərəkatı Hizbullahın eyni vaxtda İsrailin şimalına və cənubuna hücum etdiyini bildirib.

xxx

22:12

İsrailin nüvə obyekti yerləşən Dimona şəhərində partlayış baş verib.

Publika.az xəbər verir ki, bu barədə "Tasnim" agentliyi "Telegram" kanalında məlumat yayıb.

"Xəbər mənbələrinin məlumatına görə, İranın işğal olunmuş Fələstinin cənub hissəsinə endirdiyi raket zərbələrindən sonra Dimonada partlayış baş verib", - deyə nəşrdə bildirilir.

Xatırladaq ki, martın 5-də İslam Respublikası ölkədə rejimi dəyişmək cəhdi olacağı təqdirdə, İsrailin Dimona şəhərindəki nüvə reaktoruna zərbə endirəcəyi ilə hədələmişdi.

Hüseyn İbadlı