Yaxın Şərq

İran "tabut"lu raketlər buraxdı - VİDEO

27 Mart 2026 16:50

İranın İslam İnqilabı Keşikçiləri Korpusu (SEPAH) ABŞ və İsrailə məxsus hədəflərə qarşı həyata keçirdiyi raket hücumları ilə bağlı qalmaqallı kadrlar yayımlayıb.

Publika.az xəbər verir ki, yayılan görüntülərdə raketlərin üzərindəki xüsusi rəmzlər və mesajlar diqqət çəkib. Belə ki, raketlərin birinin üzərində iki fərqli etiket yerləşdirilib.

Birinci etiketin üzərində silahlı əsgərlərin təsviri ilə yanaşı, “İrana giriş” sözləri yazılıb. İkinci etiketin üzərində isə “İrandan çıxış” yazılıb və burada ABŞ bayrağına bükülmüş tabutda yoldaşlarını daşıyan yaralı əsgərlərin təsviri əks olunub. Bu rəmzi mesajlarla İran tərəfi düşmən qüvvələrin bölgəni yalnız tabutda tərk edəcəyinə işarə edib.

Videonun davamında raketlərin və pilotsuz uçuş aparatlarının (PUA) kütləvi şəkildə buraxılış anları nümayiş etdirilir. Ekspertlər bu addımı Tehranın psixoloji müharibə elementlərindən biri kimi qiymətləndirirlər.

Həmin görüntüləri təqdim edirik:

Adəm