Qəzzada gərginlik artır - Daha iki silahlı öldürüldü
Bizi izləyin

Yaxın Şərq

Qəzzada gərginlik artır - Daha iki silahlı öldürüldü

Qəzzada gərginlik artır - Daha iki silahlı öldürüldü

İsrail Müdafiə Qüvvələri (İDF) Qəzza zolağının müxtəlif bölgələrində iki silahlı şəxsin zərərsizləşdirildiyini açıqlayıb.

Publika.az xəbər verir ki, bu barədə ordunun mətbuat xidməti məlumat yayıb.

Məlumatda hadisələrin anklavın şimal və cənub hissələrində baş verdiyi qeyd olunub. Bildirilir ki, silahlı şəxslər "sarı xətt" adlanan zonanı keçərək İsrail bölmələrinə yaxınlaşıblar.

İDF-nin bəyanatında vurğulanıb ki, təhlükə aşkar edildikdən sonra hərbçilər atəş açaraq həmin şəxsləri neytrallaşdırıblar; bu addım hərbi personala qarşı birbaşa təhdidin qarşısını almaq məqsədilə atılıb.

Hazırda məhv edilənlərin kimliyi və hadisənin digər təfərrüatları barədə məlumat verilmir. Müşahidəçilərin fikrincə, təmas xəttində mütəmadi olaraq qeydə alınan bu cür insidentlər tərəflərin hərbi mövqelərə hər hansı yaxınlaşmaya dərhal reaksiya verdiyi davamlı gərginlikdən xəbər verir.

Hüseyn İbadlı

Oxumağa davam et
Reklam
Reklam

Gündəm

Zəfaran Hospital
Səba