Deputatlar yekdilliklə dəstəklədilər: Parlament buraxılır

Knesset üzvləri parlamentin vaxtından əvvəl buraxılması ilə bağlı qanun layihəsini birinci oxunuşda yekdilliklə dəstəkləyiblər.

Publika.az xəbər verir ki, bu barədə "The Times of Israel" qəzeti səsvermənin nəticələrinə istinadən məlumat yayıb.

Sənədin lehinə 106 deputat səs verib, əleyhinə isə heç kim səs verməyib. Qanun layihəsi əvvəllər müvafiq parlament komitəsi tərəfindən təsdiqlənmişdi.

Təşəbbüs artıq may ayının sonunda ilkin oxunuşdan keçib. İndi qanun layihəsinin qüvvəyə minməsi üçün plenar iclaslarda üç oxunuşda təsdiqlənməsi lazımdır.

Mövcud qanunvericiliyə görə, İsraildə növbəti parlament seçkiləri 27 oktyabr 2026-cı ildən gec olmayaraq keçirilməlidir.

Prosesin sürətlənməsinə koalisiya daxilindəki siyasi fikir ayrılıqları səbəb olub: İsrail Baş naziri Binyamin Netanyahunun bəzi keçmiş müttəfiqləri əvvəllər parlamentin buraxılmasını tələb etmək niyyətlərini açıqlamışdılar. Buna cavab olaraq koalisiya ilkin mərhələdə həm hakim partiyalardan, həm də müxalifətdən dəstək alan qanun layihəsini irəli sürdü.

Müəllif: Tural