Hörmüz boğazından xəbər: Aylar çəkə bilər
Bizi izləyin
Aptekonline

Yaxın Şərq

Hörmüz boğazından xəbər: Aylar çəkə bilər

Hörmüz boğazından xəbər: Aylar çəkə bilər

ABŞ-İran arasında atəşkəs əldə olunsa belə, Hörmüz boğazında gəmiçiliyin tam bərpası aylarla davam edə bilər.

Publika.az xəbər verir ki, bu barədə “Financial Times” qəzetinə Yaponiyanın iri gəmiçilik şirkəti "NYK Line"ın rəhbəri Takaya Soqa bildirib.

Onun sözlərinə görə, əsas problem boğaz akvatoriyasının minalardan təmizlənməsidir. Hazırda ərazidə 80-ə yaxın minanın qala biləcəyi ehtimal olunur.

Bildirilib ki, hazırda mülki gəmilər yalnız iki dar marşrut üzrə təhlükəsiz hərəkət edə bilir. Marşrutlardan biri İranın Larak adası yaxınlığından, digəri isə Oman sahilləri boyunca keçir.

“Əlçatan marşrutlar son dərəcə məhduddur. Biz əvvəlki şəraitdən hələ çox uzağıq”, - deyə Takaya Soqa vurğulayıb.

Şirkət rəhbərinin proqnozuna görə, boğaz yenidən açılsa belə, ilkin mərhələdə yükdaşımaların həcmi əvvəlki göstəricinin yarısından da az olacaq. Müharibədən əvvəlki səviyyəyə qayıtmaq üçün isə uzunmüddətli və riskli təmizləmə işləri tələb olunacaq.

Müəllif: Adəm

Oxumağa davam et
Reklam
Reklam

Gündəm

Aptekonline