Nəqliyyat
AZAL yeni təyyarələr alır

Bu gün "Azərbaycan Hava Yolları" QSC-nin (AZAL) prezidenti Cahangir Əsgərov ilk dəfə Bakıya işgüzar səfər etmiş ABŞ-ın "Boeing Commercial Airplanes" şirkətinin Rusiya və MDB ölkələrində satış və marketinq üzrə vitse-prezidenti Monte Freyzerlə görüşüb.
Publika.az AZAL-a istinadən xəbər verir ki, görüşdə şirkətin satış üzrə direktoru Volkan Eser də iştirak edib.
Görüş çərçivəsində AZAL üçün yeni "Boeing 787 Dreamliner" təyyarələrinin çatdırılmasına dair ilkin razılaşma əldə edilib. Tərəflər “Boeing” korporasiyasının 9 genişfüzelyajlı "Dreamliner" təyyarəsinin təchizat imkanlarını müzakirə ediblər. Həmin təyyarələr AZAL-ın hava gəmiləri parkına daxil olan mövcud "Boeing 757", "Boeing 767" və "Airbus A340" təyyarələrini 2030-cu ilin sonuna qədər əvəz edə biləcək.
Müvafiq təklif hazırlandıqdan sonra aviaşirkətin Müşahidə Şurasının və Azərbaycan İnvestisiya Holdinqinin müzakirəsinə təqdim olunacaq.
Hazırda AZAL uzaqməsafəli istiqamətlərdə özünü doğruldan 2 "Boeing 787-8 Dreamliner" təyyarəsini istismar edir. Aviaşirkət postsovet məkanında "Boeing 787-8 Dreamliner" təyyarəsini istismar edən ilk aviadaşıyıcıdır. AZAL-ın hava gəmiləri parkına belə yeni təyyarələrin daxil edilməsi onun çuşlarının coğrafiyasını daha da genişləndirəcək.
Görüş zamanı tərəflər AZAL və "Boeing" arasında tərəfdaşlıq və dostluq münasibətlərini yüksək qiymətləndiriblər və qarşılıqlı faydalı əməkdaşlığın bundan sonra da genişlənəcəyinə əmin olduqlarını bildiriblər.


-
İdman9 İyun 23:18
Ronaldonun sevimli yeməyi: Qəribə adı var - VİDEO
-
Sosial9 İyun 22:15
Vətəndaşların diqqətinə: pulsuz internet...
-
Nida Xəbər 9 İyun 21:54
Erməni hərbçilərini daşıyan avtomobilə atəş açılıb? - MN
-
Nida Xəbər 9 İyun 20:47
Doğum günündə vəfat edən Günelin SON VİDEOSU - "Sizi çox sevirəm"
-
Hadisə9 İyun 18:39
İskəndər dedi ki, 6 min ver, söhbət yayılmasın - Rəşad Dağlı
-
Sosial9 İyun 17:40
Bu rayona yeni hərbi prokuror təyin edildi
-
Sosial9 İyun 17:03
Bu işçilərin maaşı artırıldı
-
Sosial9 İyun 16:41
Orxan Fikrətoğlu yüksək vəzifəyə təyin edildi