Rusiyada "Volkswagen" zavodunda minlərlə avtomobil tapıldı: Görün necə gizlədiblər

Kaluqa vilayətində "Volkswagen"in keçmiş zavodunun dayanacaqlarında minlərlə alman və yapon xarici avtomobilləri aşkarlanıb.

Publika.az xəbər verir ki, Rusiyada fəaliyyətini dayandıran müəssisədə xarici avtomobilləri "Autonews" üzə çıxarıb.

2024-cü ilin birinci yarısında yenidən işə salınacağı vəd edilən müəssisənin ərazisində qar altında gizlədilən bir neçə min Çin, Almaniya və Yapon markalı avtomobil var. Onların arasında Çində satılan "Volkswagen Tyron", Çin bazarı üçün hazırlanmış "Audi Q6", "Toyota RAV4" krossoverləri, "Avatr 11" elektromobilləri və "GAC M8" minivenləri, həmçinin "Chery Tiggo" krossoverləri var.

Kaluqa bölgəsindəki "Volkswagen" zavodu Rusiyada xarici avtomobillərin yığılması üçün istifadə edilən ən böyük platformalardan biridir. Müəssisədə qaynaq və montaj xətti, ştamplama sexi və "Volkswagen Polo" və "Skoda Rapid" üçün benzin mühərriklərinin istehsalı sahəsi var.

Rusiya Sənaye və Ticarət Nazirliyinin rəhbəri Denis Manturov bildirib ki, hazırda Kaluqada müəssisəsi olan “Art-Finance” şirkəti sənaye sahəsində xarici tərəfdaş tapıb. O əlavə edib ki, zavodun işi 2024-cü ilin birinci yarısında bərpa olunmalıdır.

2023-cü ilin sonuna qədər işçilərin 30 faizi keçmiş "Volkswagen" zavodunu tərk edib. 3,7 min fabrik işçisindən 1,3 mini işsiz qalıb. İşçilər iddia edirlər ki, yeni rəhbərlik "Volkswagen"in “miras” texnologiya və avadanlıqlarını məhv edir.

Cəmilə