Bu 3 məşhur avtomobil nəhəngi Çinə qarşı birləşir

Çin markalarına qarşı birgə fəaliyyət göstərmək üçün bir araya gələn Yaponiyanın dünyaca məşhur avtomobil nəhəngləri “Nissan”, “Honda” və “Mitsubishi” güclərini birləşdirir.

Publika.az xəbər verir ki, qlobal avtomobil sənayesi iqtisadi böhranlara baxmayaraq ayaqda qalmağa çalışır. Bu dövrdə bir çox şirkət fabriklərini bağlamaq qərarına gəlib.

Qeyd olunur ki, ən az zərərlə ayaqda qalmağa çalışan Yaponiyanın dünyaca məşhur avtomobil nəhəngləri “Nissan”, “Honda” və “Mitsubishi” birləşəcək.

Üç böyük şirkət 2025-ci ilin iyun ayına qədər davam edəcək danışıqlarda razılığa gəlsələr birləşməyə qərar verəcəklər. Razılıq əldə olunarsa, çətir şirkəti yaradılacaq. “Nissan”, “Honda” və “Mitsubishi” qurulacaq çətir şirkətində bərabər pay sahibi olacaqlar.

Digər tərəfdən, birləşmədən sonra qurulacaq şirkətin dünyanın üçüncü ən böyük avtomobil istehsalçısı olacağı gözlənilir. Şirkətin birləşmə motivasiyalarından biri Yaponiyanın avtomobil nəhəngi “Toyota” ilə rəqabət aparmaqdır.

Aysel Şahmar