Nəqliyyat

ADY qatarların hərəkət cədvəli ilə bağlı məlumat yaydı

16 Aprel 2025 19:30

Qeyri-sabit hava şəraitinə baxmayaraq, sərnişin qatarlarının hərəkət cədvəlində hər hansı dəyişiklik yoxdur.

Publika.az xəbər verir ki, bu barədə “Azərbaycan Dəmir Yolları” QSC məlumat yayıb.

Bildirilib ki, hava şəraitinin qeyri-sabit olması səbəbindən bəzi hallarda qrafikdən qismən kənara çıxmalar müşahidə oluna bilər.

Bununla belə, axşam saatlarında Bakı-Xırdalan-Sumqayıt istiqamətində saat 20:20-dək, Bakı-Pirşağı-Sumqayıt istiqamətində isə saat 23:00-dək bütün reyslər əvvəlcədən müəyyən edilmiş qrafik üzrə həyata keçiriləcək.

ADY bir daha hərəkət iştirakçılarına bu cür hava şəraitində dəmiryol keçidlərindən istifadə zamanı yüksək sayıqlıq göstərməyi və ehtiyatlı olmağı tövsiyə edir, sərnişinlərdən stansiya və platformalarda qatarları gözləyərkən diqqətli olmağı xahiş edir.