8 Marta görə restoranların adambaşı qiymətləri ŞOK ETDİ - SİYAHI

8 Mart Beynəlxalq Qadınlar Gününə hələ 10 gündən də artıq vaxt qalsa da, payatxtdakı bəzi restoranlar qadınlara özəl olaraq menyularını və qiymətlərini açıqlayıblar.

Publika.az-ın əməkdaşı paytaxtdakı restoranlarla sorğu keçirərək, “8 Mart menyusu” ilə maraqlanıb.

Həmin siyahını təqdim edirik:

“Cratos” restoranından bildiriblər ki, həmin günə nəzərdə tutulan qiymətlər adambaşı 100 manat təşkil edir. Bu o deməkdir ki, adamların sayından asılı olaraq qiymətlər dəyişəcək.

“Altun Saray”dan əməkdaşımıza adambaşı menyunun 60 manat olduğu deyilib.

Elə “Ay işığı” restoranında da eyni qiymətdir. Həmin günü dəyər verdiyiniz insanla xoş anlar yaşamaq istəyirsinizsə, adambaşına ən azı 60 manatınızdan keçməli olacaqsınız.

“Arbat” restoranında isə iki növ menyu var. İçkili menyunun qiyməti 45 AZN-dir, içkisiz masanın qiyməti isə 40 manata başa gəlir.

“Lido”da isə qiymətlər sözün əsl mənasında cib yandırır. Belə ki, 6 nəfərlik masa üçün adambaşı qiymət 60 manatdır. 2 nəfərlik masada əyləşmək istəyirsinizsə, o zaman adambaşına 100 azn ödəməlisiniz.

“Mirror” restoranında da iki cür menyu mövcuddur. İçkili və içkisiz olmaqla adambaşı masa qiymətləri 50 və 70 AZN arasında dəyişir. Restorandan verilən məlumata görə, artıq əksər yerlər bron edilib.

“Monte Carlo Tower”də qiymətlərin bazar günü açıqlanacağı vurğulandı.

“Sevinc restoran”ında isə masaların qiyməti adambaşı olaraq 50 manatdan başlayır.