Ayaz Mütəllibov I Fəxri xiyabanda dəfn ediləcək - YENİLƏNDİ

Azərbaycanın keçmiş prezidenti Ayaz Mütəllibov bu gün saat 15:00-da Birinci Fəxri xiyabanda dəfn olunacaq.

Bunu Publika.az-a açıqlamasında mərhum eks-prezidentin köməkçisi Qulu Həsənoğlu deyib.

Qulu Həsənoğlu bildirib ki, eks-prezidentlə vida mərasimi Dövlət Təhlükəsizliyi Xidmətinin Mədəniyyət Mərkəzində baş tutacaq.

xxx

10:48

Azərbaycanın keçmiş prezidenti Ayaz Mütəllibov I Fəxri xiyabanda dəfn ediləcək.

Publika.az xəbər verir ki, sabiq prezident bu gün saat 13:00-da torpağa tapşırılacaq.

xxx

10:30

Eks-prezident Ayaz Mütəllibovun bütün dəfn xərclərini Azərbaycan dövləti öz üzərinə götürüb.

Bunu Publika.az-a açıqlamasında Azərbaycanın eks-prezidenti Ayaz Mütəllibovun köməkçisi Qulu Həsənoğlu deyib.

O bildirib ki, dünən gecə Ayaz Mütəllibovun nəşi Heydər məscidinə aparılıb:

“Orada müsəlman adət-ənənələrinə uyğun olaraq bütün rituallar yerinə yetirilib. Cənazə yuyulub, kəfənlənib. Cənazə namazı qılınıb. Hazırda Ayaz müəllimin nəşi oğlu Zaurun evindədir. Həyat yoldaşı dünyasını dəyişəndən sonra Ayaz Mütəllibov oğlunun evində qalırdı. Yaxın 1 saat ərzində onun harada dəfn olunacağı açıqlanacaq”.