Nida.az

O, etirazçılara güllə atılmasına razı olmadı - Deputat

28 Mart 2022 13:43

"Mərhum Ayaz Mütəllibov Azərbaycanın ilk prezidenti olub. Müstəqillik aktımızın altında onun imzası var. Hətta Azərbaycan Birləşmiş Millətlər Təşkilatına da məhz onun dövründə üzv qəbul olunub".

Bunu Publika.az-a açıqlamasında millət vəkili Tahir Kərimli deyib.

O bildirib ki, Ayaz Mütəllibovun dövründə Azərbaycan hüquq-mühafizə orqanları erməni separatçılarına qarşı uğurlu Çaykənd əməliyyatı keçirib: "Himnimizin, bayrağımızın qəbulu da məhz onun dövrünə təsadüf edib. O, ilk dəfə xarici ölkəyə səfərini də Türkiyəyə gerçəkləşdirib. Hələ onda Azərbaycan müstəqil deyildi və Ayaz müəllim də baş nazir idi. 15 may 1992-ci ildə hakimiyyət yenidən bərpa olunanda ona dedilər ki, etirazçılara güllə atılsın, amma o, buna getmədi. Ayaz Mütəllibovun dünyasını dəyişməsi Azərbaycanın ictimai-siyasi həyatı üçün böyük itkidir. Allah rəhmət eləsin!"