Ordumuzun cəbhədəki bu həmləsi İrəvanı SİLKƏLƏDİ - Düşmən TƏŞVİŞ İÇİNDƏ

Azərbaycanın Qazax və Ağstafa istiqamətlərində bəzi postlara sərhəd qoşunlarını yerləşdirməsi Ermənistanda “Bakı nəyə hazırlaşır?” kimi təşviş dolu suallar yaradıb.

Publika.az xəbər verir ki, erməni şərhçi Aram Amatuni Bakının yeni plan hazırladığını iddia edib.

“Sərhəd qoşunları digər qoşunlara nisbətən daha az döyüş bacarığına malikdir. Azərbaycanın bu addımı iddia etməyə əsas verir ki, onlar Ermənistanın ayıqlığını yatırmaq istəyirlər. Doğrudur, bu addımların konkret nəyə hesablandığını demək çətindir, lakin ekspertlər müharibə hazırlığı olduğunu istisna etmirlər. Burada əsas məsələ Ermənistanın hərbi-siyasi rəhbərliyinin belə ssenarilərə nə dərəcədə hazır olub-olmamasıdır? Bütün diqqət daxili siyasətə yönəlib, bu baxımdan, ölkə rəhbərliyinin ssenarilərə necə hazırlaşdığı sual altındadır. Məsələ ondadır ki, Azərbaycan daim öz döyüş hazırlığını təkmilləşdirir, Ermənistan isə nəyinsə baş verməsini gözləyir. Bu gün nəyin baş verməsindən asılı olmayaraq, Azərbaycan Qarabağda qələbəyə hazırlaşır, Ermənistan illüziyalara qapılır. Biz illüziyaları unutmalı və hazırlaşmalıyıq”, - deyə o bildirib.

Asif