Nida Təhlil

“Doing Business 2020” hesabatı: Ermənistan 6 pillə gerilədi

24 Oktyabr 2019 13:52

Ermənistan Dünya Bankının “Doing Business 2020” hesabatında altı pillə geriləyib.

Publika.az Ermənistan mediasına istinadən xəbər verir ki, bu geriləmə ölkədə sərmayə mühitinin və azad biznes üçün şəraitin pisləşməsinin nəticəsidir.

Ötən il “Doing Business 2019” hesabatında 41-ci yeri tutan Ermənistan bu il reytinq cədvəlində 47-ci yerə düşüb. Belə ki, Dünya Bankının Yerevan ofisinin rəhbəri Silvi Boustro keçən il bu ölkənin hesabatda irəliləməsini əmlak alqı-satqısı prosedurunun sadələşdirilməsi, vergi sistemində dəyişikliklərlə izah etmişdi. Ermənistanın builki geriləmənin səbəbi isə hələ ki bu ofis tərəfindən açıqlanmayıb.