Azərbaycan soyadlı ermənini tanıyın – VİDEO/FOTO

İki gündür Votsap vasitəsilə yayılan səsin sahibinin kimliyi məlum oldu: Rəşad Məmmədov.

Əvvəlcə, həmin şəxsin erməni olduğu, Azərbaycan dilində təxribat məqsədilə danışdığı deyildi. Yanılmışdıqmı? Xeyr, çünki bu şəxsin ad və soyadı azərbaycanlı olsa belə, sərhəddə təxribat hücumu törədən, sosial şəbəkələrdə infotəxribatlar edən ermənilərdən fərqi yoxdur. Əksinə, düşmənin edə bilmədiyini etməklə daha böyük təhlükə yaradır.

Ermənilər Azərbaycan mövqelərinə hücum edir, ardınca aktyorluq edərək, “Azərbaycan bizə hücum etdi” deyirlər.

Rəşad Məmmədov adlı bu şəxs də aktyorcasına ağlayır və Azərbaycanın itkilər verdiyini iddia edir.

Məlum videoda saxta göz yaşı tökən bu şəxs deyir ki, “diviziyanı dağıtdılar, vurdular, hamı bilsin, ürəyim dözmür, ay dədə, Quşçuluq kəndi dağılıb”.



Sonra açıqlama verir ki, “vətənpərvər” olduğu üçün belə edib.

Sual yaranır: doğrudanmı, hər şey bir şəxsin axmaqlığından ibarətdir, yoxsa, bu düşmənin növbəti infotəxribatlarından biridir?

R.Məmmədov Almaniyada yaşayır, Müsavat Partiyasının Avropadakı siyasi mühacir alveri ilə bağlı açılan cinayət işində əsas şahid olduğu deyilir.

Avropada erməni diasporu/lobbisinin “siyasi mühacir” adı altına yaşayan azərbaycanlıları ələ almağa çalışması ilə bağlı zaman-zaman yayılan informasiyalar fonunda bu şəxsin məlum videosunun düşmənin infotəxribatı olması ehtimalını önə çıxarır. Təbii ki, bunu müəyyənləşdirmək hüquq-mühafizə orqanlarının işidir və inanırıq ki, müvafiq orqanlar bu və digər infotəxribatları yayanların qanunvericiliyə uyğun məsuliyyətə cəlb olunmasını təmin edəcək.

Dünya təcrübəsində müharibə şəraitinin öz qanunları var: ordu haqqında yalan məlumat vermək, cəmiyyəti təşvişə salmaq cəhdlərinə qarşı ən sərt tədbirlərə əl atılır. Tovuz döyüşləri Azərbaycanın infotəxribatlara qarşı barışmaz olmasının vacibliyini növbəti dəfə aktuallaşdırdı.

Asif