Türk ordusu Azərbaycana niyə gəldi? – “Yeni Şəfəq” şifrələri açır

“Dörd il öncə İran sərhədindən Aralıq dənizinə qədər “terror dəhlizi” xəritəsi hazırlayırdılar. Bu plan çökdü. Türkiyəni Şərqi Aralıq dənizində mühasirəyə almaq, Aralıq dənizindən çıxarmaq, Egedə küncə sıxışdırmaq planları da çökdü. Qafqazdan sıxışdırmaq planları da çökəcək”.

Publika.az xəbər verir ki, bu barədə “Yeni Şəfəq” qəzetinin məşhur köşə yazarı İbrahim Karagül Azərbaycan-Türkiyə birgə hərbi təlimlərinin başlandığı gün – 29 iyul tarixində yayımladığı “Türkiyə möcüzəsi” adlı məqaləsində deyib.

Karagül qeyd edir ki, Türkiyəyə qarşı məkrli planlar quruldu.

“Qətəri işğal etməyə çalışdılar, Suriyada, İraqda, Liviyada Türkiyə ilə müharibəyə girdilər, Sudanda hərbi çevriliş etdilər, Somaliyə Ankara ilə əlaqələrini kəsməsi üçün təzyiqlər etdilər, Aralıq dənizində Yunanıstan, yunan Kipru, Fransa, İsrail və Misir ittifaq qurdu. Ən sonda da Ermənistanın Azərbaycana hücum etməsini təşkil etdilər. Lakin Türkiyə bütün bu polanları pozdu. Qafqazda oynanılan oyunu da pozacaq”, - türkiyəli yazar bildirib.

Asif