Ermənistan fərariliyin qarşısını ala bilmir - Hərbi ekspert
Bizi izləyin

Nida Təhlil

Ermənistan fərariliyin qarşısını ala bilmir - Hərbi ekspert

Ermənistan Azərbaycan Ordusunun müqavimətinə tab gətirmək iqtidarında deyil. Azərbaycan qoşunları irəlidədikcə onlar geri çəkilməyə davam edir, yüzlərlə silah-sursat, texnika itiriblər. Ümumilikdə, Ermənistan Ordusuna 1 milyard dollardan çox ziyan dəyib.

Bu sözləri Publika.az-a açıqlamasında hərbi ekspert, ehtiyatda olan general-leytenant, Əfqanıstan və Qarabağ müharibələri, habelə Silahlı Qüvvələrin veteranı Yaşar Aydəmirov deyib.

Onun sözlərinə görə, Ermənistan Ordusu Azərbaycanla açıq döyüşə girməkdən imtina edir:

“Müxtəlif üsullarla alınan köhnə raket kompleksləri ilə Azərbaycan ərazilərini atəşə tutmaları da Azərbaycan Ordusunun zəfəri qarşısında düşdükləri acizlik vəziyyətdən irəli gəlir. Əllərində qalan bir neçə raket sistemi ilə yaşayış məntəqələrini atəşə tuturlar ki, xalq arasında psixoloji gərginlik və təşviş yaratsınlar. Amma buna nail olan deyillər. Çünki mülki əhalimizə qarşı qatı qəddarlığın qisası düşməndən alınır, Ermənistan döyüş meydanında böyük itkilərə məruz qalır, yüzlərlə texnikaları sıradan çıxarılır. Odur ki, onların hər hansı müqavimət göstərməyə gücü qalmayıb. Onların çox sayda döyüş qüvvəsi məhv edilib, qalanları da döyüş meydanını tərk edir, sadəcə bir tabor, bir alay deyil, artileriya və toplarını qoyub qaçırlar. Ötən gecə 300 əsgərin fərarilik etdiyi məlum olub, gətirdikləri muzdlular da qaçır. Onlar bu fərariliyin qarşını ala bilən deyil”.

Aytən Məftun

Oxumağa davam et
Reklam
Reklam

Gündəm