Bu, son artım deyil, davamını... - Ramaldanov

Cənab Prezident Ali Baş Komandan olaraq ordu quruculuğuna qarşı həmişə diqqətli olub. Eyni zamanda ordunun şəxsi heyətinin sosial müdafiə paketinin gücləndirilməsi istiqamətində mütəmadi olaraq göstərişlər verir. Maaşların və pul təminatının artırılması da bunun bir hissəsidir. Prezident ilk növbədə işğaldan azad olunan ərazilərdə xidmət edən hərbçilərin maaşlarının artırılması ilə bağlı sərəncam imzalayıb. Azərbaycan Respublikası Prezidentinin əlavəsi hərbi qulluqçuların aylıq vəzifə maaşlarının 20–60 faizi həcmində olacaq.

Bu sözləri Publika.az-a açıqlamasında Azərbaycan Ordusunun ehtiyatda olan polkovniki Şair Ramaldanov deyib. O, bildirib ki, şəraitdən asılı olaraq təhlil aparılacaq və artım ona uyğun olaraq bu formada olacaq:

“Əlbəttə ki, bu cür artım və təltiflər orduya aid olan xüsusi günlərə təsadüf edir. Silahlı Qüvvələr gününə həmişə özəl yanaşma olub. Təbii ki, Cənab Prezident də bu formada öz qayğısını göstərdi və sərəncam imzaladı. Təltiflər, medallar və ordenlər də adətən Silahlı Qüvvələr Günün ərəfəsində təqdim edilir. Bu, Ali Baş Komandan tərəfindən verilən diqqətin təzahürüdür. Bunu da şəxsi heyət böyük ruh yüksəkliyi ilə qarşılayır. Diqqət hər zaman müsbət qarşılanır. Bu diqqət orduda xidmət edən zabitlərin ailələrinin sosial vəziyyətini yaxşılaşdırmağa yönəlib. Bunu ancaq sevinclə qarşılamaq olar. Bilirik ki, bu son artım paketi deyil, ümumiyyətlə hərbçilərlə bağlı sosial paketin verilməsi və onun yenilənməsi istiqamətində müəyyən bir təkliflər var. Onlara baxılır, odur ki, bu, axarıncı olacaq. Onun davamını biz növbəti sərəncamlarda görəcəyik”.

Aytən Məftun