Vaşinqton və Moskvanın Əfqanıstan açıqlaması: terror ssenarisi işə düşür

Taliban Əfqanıstanda terrorun yayılmasına imkan verməyəcəyi vədini versə də, Moskva və Vaşinqtondan gələn açıqlama diqqət çəkir.

Pentaqon bildirir ki, "Taliban" aprel-iyun ayları ərzində Əfqanıstanda "Əl-Qaidə" üçün sığınacaq təmin etməyə davam edib. "Əl-Qaidə" ilə "Taliban" arasında münasibətlər qalmaqdadır.

İstisna deyil ki, Baydenin Əfqanıstandan çıxmaq qərarına qarşı çıxan Pentaqonun Konqresə təqdim etdiyi hesabatla mövqeyini gücləndirmək istəyir. Baydenin “Suriya və Şərqi Afrikada terror təhdid Əfqanıstandan daha ciddidir” açıqlaması da Vaşinqtonda fikir ayrılığını göstərir.

Lakin ABŞ-ın Əfqanıstandan çıxmağının arxasındakı mümkün planlar "Taliban"-"Əl-Qaidə" ittifaqının gündəmə gətirilməsinin hədəfini anlamağa imkan verir. "Taliban"ın hakimiyyətə gəlişindən sonra Qərb mediasının Əfqanıstanla bağlı xəbər lentinin motivləri də bu kontekstdə təsadüfi deyil.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

ABŞ Əfqanıstanda və Əfqanıstan üzərindən bölgədə xaosun inkişaf etməsində maraqlıdır.

Moskva isə artıq “təhlükə zəngini” çalır. Rusiya Təhlükəsizlik Şurasının katibi Nikolay Patruşev deyir ki, Əfqanıstandakı terror təşkilatları gələcəkdə Mərkəzi Asiyaya, Çinin Sintzyan bölgəsinə, İranın şimalına və Hindistana yönələ bilər.

Rusiyanın hədəfi məlumdur: Mərkəzi Asiyanı “xarici təhlükə” qarşısında öz çətiri altında birləşməsini sıxlaşdırmaq və Orta Dəhliz üzərində qeyri-sabitliyə nail olmaq;

Burada Moskva və Vaşinqtonun maraqlarının uzlaşdığı məqamlar da var: "Taliban"ın irəliləməsinin Bayden-Putin görüşündən sonra sürətləndiyi də diqqətdən qaçmamalıdır.

Asif Nərimanlı